Anderi Informationsquällä

by Joggi 27. Januar 2013 07:44

Ich han ä neue Informationsquällä gfundä: infosperber.ch

Grad viel han ich nonig gläsä, aber ich finds super, das es es Portal git, wo nöt nur Agentur-Mäldigä abdruckt!

Tags:

Bankenplatz Schweiz

by 9. September 2011 16:17

Ich überlege mir grad, wär jetzt no interässä chönt ha, i dä Schwiz gäld azlegä? D'Lüt usem Euro-Rum wänd ja ihres Gäld nöd in Euro alegä, und drum wahrschinlich nöd in CHF und d'Lüt usserhalb vom Euro-Rum wänd sowieso kei Euro? Vermuetlich flüsst jetzt dänn viel Gäld ab?

Guet, es chönt au no sie, dass d'Lüt eifach findet, dä Schwizer Frankä sei billig und uf ä späteri Ufwärtig spekulieräd.

Tags:

Wirtschaft

D'Nationalbank (SNB)

by 7. September 2011 17:35

Ich bin eher en Euro-Skeptiker und drum jetzt au en Frankä-Skeptiker. Was passiert bi dä nächschtä schlächtä Nachrichtä us Griecheland oder Italiä? Wänn dä Euro gägenüber allnä anderä Währige verlührt, dänn blibt dä Schwizer Frankä konstant. Wahrschinlich parkiered dänn vili ihres Gäld in Schwizer Frankä i dä Hoffnig, dä sei no besser, oder d'Nationalbank müess irgendwänn dä Kurs lockerä.

Was passiert dänn, wänn d'Nationalbank dä Kurs muess veränderä? Sie hockt dänn wahrschienlich uf riesige mängä Euro und muess die abwärtä. Das chan dän weh tue, bzw. sie isch dänn viellicht bankrott.

Was passiert, wänn dä Euro zämäbricht? Dänn gilt das au für dä Schwizerfrankä oder mindestens für d'Nationalbank?

Tja, hoffentlich fahrt dä Zug womer eus dra ghänkt händ nöd über dä Abgrund.

Tags:

Wirtschaft

Entwärtig

by Joggi 11. August 2011 16:34

All das Retigsgält, wo jetzt vo dä USA und Europa is Syschtem pumpet wird hät Abwärtig zur Folg. Es isch aber au ä schlichendi Enteignig vo dänä wo öppis gspart händ und natürlich au vo Räntner. Mit em Schwizer Frankä stömer jetzt no guet da. Vermuetlich isches jetzt bald Zit die eint oder anderi günschtigi Aktiä im Euroland oder in dä USA zposchtä. Oder auch Gold. Gold isch immer no relativ konstant gägenüber em Schwizer Frankä. Söttet d'Aktionä vo dä Nationalbank fruchtä, würdi ds'Gold natürlich au stiegä.

Tags:

Politik | Wirtschaft

Batteriä im Chäller sind eusi Zuekunft

by Joggi 31. Mai 2011 17:29

D'Batteriä für Auto wärdet immer besser und chliner. Letschhin han ich gläsä, dass Prototypä scho chönd i 10 Minutä Strom für 100 Kilometer ladä.
Ich glaubä i Zuekunft chönd eus d'Batteriä hälfä, die dä vorigi Strom z'konservierä. Mä stell sich vor: jedes Hus i dä Schwiz hät ä starchi Batterie (oder mehreri) im Chäller. Z'Nacht chönt me mit em Strom vo
dä Flusschraftwerk und dä Windchraftwerk und im Moment au vo dä reschtlichä AKW d'Batteriä ladä. Am Tag brüchts dänn für Liecht nüt me.
<br>
Das wär natürlich für d'Stromabüter unattraktiv, will dänn jede nur no dä billigschti Strom wür chaufä.
Aber es wür eus hälfä, dä Strom besser z'konzervierä und nutzä.

Tags: ,

Anlagekommentar vo dä Bank Wegelin

by Joggi 25. März 2011 04:32

Ich kännä die Bank nöd und bin wohl au kein potentiellä Chund. Aber dä Alagekommentar isch immer spannend zum läsä. Mä hät nöd ds Gfühl es wärd um dä heissi Brei umegred. Das isch erfrüschend,  aber ds Resultat au echli beängstigend.

Aber sicher läsenswärt!

Tags:

Wirtschaft

Gold macht Pausä

by Joggi 29. Januar 2011 17:35

Gold und Silber sind im Januar äs bitz gsunkä. Au Gold-Fan wie dä Marc Faber gönd dävo us, dass Gold jetzt chan bis 20 % nach abä korrigiereä. Am langfrischtigä Potential änderet sich aber nüt.

Dä Marc Faber hät mich aber au no bitz verärgertet, will er imänä Interview dä Obama ziemlich respäcktlos kritisiert hät. Kritik find i guet, aber nöd dä Mänsch dermassä abwärtä.

 

Tags:

Politik

Camembert de Normandie Sélection vom Migros

by Joggi 17. Januar 2011 18:39

Ich wot ja eigentlich kei Wärbig mache, aber dä isch scho eifach wunderbar. Mängisch isch er sehr rif und mängisch chamen no chli lagerä.Und für das find ich dä gar nöd so tür (6.50 für 250g).

Dä, jetzt grad vor mir isch eifach äs Gedicht!

Tags:

Ässä

Bundesanwaltschaft gägä Tamil Tigers

by Joggi 15. Januar 2011 21:52

Frühner jetzt a öppä gheissä i dä Mediä, dass Tamilä zwungä wärdet d'Tamil Tigers z'unterstütsä.

Jetzt isch dä Chrieg vorbi und plötzlich nimmt Bundesanwaltschaft d'Tamil Tigers is Visier. Da muess ich mich scho fragä wieso jetzt? Wills politisch nümä heikel isch und wills international kei Kompliatione me cha gä, oder wills scho ewig am Ermittlä sind oder  wills grad Zit und nüt anders ztue händ?
Villicht gits ja bald mehr Hintergrundsinformation däzuä.

Tags:

Politik

Euro

by Joggi 11. Januar 2011 17:28

Irgendwie chunts mer vor wie wänn mir alles Schäfli wäred inerä grossä Herdä und nöd märked oder märke wänd, dass demnächst ds Wärigssystem rund umä zämäbricht.
Was nützt, beziehigswies, was chamä profilaktisch machä?
Ich weiss au nöd, wahrschinlich Gold und anderi Währigä (China, Indien, Brasilen) chaufä.

Tags:

Wirtschaft

Powered by BlogEngine.NET 2.9.1.0
Theme by Mads Kristensen | Modified by Mooglegiant