Entwärtig

by Joggi 11. August 2011 16:34

All das Retigsgält, wo jetzt vo dä USA und Europa is Syschtem pumpet wird hät Abwärtig zur Folg. Es isch aber au ä schlichendi Enteignig vo dänä wo öppis gspart händ und natürlich au vo Räntner. Mit em Schwizer Frankä stömer jetzt no guet da. Vermuetlich isches jetzt bald Zit die eint oder anderi günschtigi Aktiä im Euroland oder in dä USA zposchtä. Oder auch Gold. Gold isch immer no relativ konstant gägenüber em Schwizer Frankä. Söttet d'Aktionä vo dä Nationalbank fruchtä, würdi ds'Gold natürlich au stiegä.

Tags:

Politik | Wirtschaft

Gold macht Pausä

by Joggi 29. Januar 2011 17:35

Gold und Silber sind im Januar äs bitz gsunkä. Au Gold-Fan wie dä Marc Faber gönd dävo us, dass Gold jetzt chan bis 20 % nach abä korrigiereä. Am langfrischtigä Potential änderet sich aber nüt.

Dä Marc Faber hät mich aber au no bitz verärgertet, will er imänä Interview dä Obama ziemlich respäcktlos kritisiert hät. Kritik find i guet, aber nöd dä Mänsch dermassä abwärtä.

 

Tags:

Politik

Bundesanwaltschaft gägä Tamil Tigers

by Joggi 15. Januar 2011 21:52

Frühner jetzt a öppä gheissä i dä Mediä, dass Tamilä zwungä wärdet d'Tamil Tigers z'unterstütsä.

Jetzt isch dä Chrieg vorbi und plötzlich nimmt Bundesanwaltschaft d'Tamil Tigers is Visier. Da muess ich mich scho fragä wieso jetzt? Wills politisch nümä heikel isch und wills international kei Kompliatione me cha gä, oder wills scho ewig am Ermittlä sind oder  wills grad Zit und nüt anders ztue händ?
Villicht gits ja bald mehr Hintergrundsinformation däzuä.

Tags:

Politik

Immobilienblasä i dä Schwiz

by Joggi 6. September 2010 19:30

Sit längerem warnt d'Nationalbank vor änerä Immobilieblasä. Anderi wie dä Chef vom Huseigetümer-Verband oder vo dä Raiffeisenbank gsehnt da kei grossi Problem. Dä Pierin Vincenz seit im Interview vom 5.9.2010 i dä Sonntigszitig, dass d'Raiffeisen nöd systemrelevant isch (mit 15% Marktanteil am Hypothekämärt)  und das wänn es grösseri Problem git, alli andere Bankä ja au betroffä sind.

Das erinnert mi scho sehr ad Hypothekäblasä i dä USA wo alli möglichscht lang händ wöllä s grossig Gschäft machä und no Provisonä inäholä ( will die andereä ja au sglichä mached) und dä Staat luegt dän scho.

 

 

 

Tags:

Politik | Wirtschaft

Söldner i dä Schwiz

by Joggi 17. August 2010 07:30


Vor fasch 500 Jahr hät dä Zwingli dafür kämpft, dass ds Söldnertum (Rislaufä)  id Schwiz (Eidgenossäschaft) verbotä wird. Immerhin für Züri hät er das erreicht und später isches i dä ganz Schwiz verbotä wordä. Das hät au sehr fridlichi Zitä mit sich bracht. Jetzt, quasi übers Hintertürli sind d'Söldner wieder da.
In Basel hät d'Firma Aegis sind Hauptsitz errichtet. Ein Grund isch offebar, dass sie damit Kontrolle us England chönd umga und bi eus laschi Waffägsetzt herrschet. Offebar häts no anderi söttig britischi Firmä i dä Schwiz.
Ich findä, das müesst jetzt gar nöd si, mä söt si verbütä!

Übrigens: Blackwater Worldwide hät sich umtauft und heisst jetzt Xe Services LLC.

Tags: ,

Politik

Ds Wort vom Monät: Track Record

by Joggi 2. Juni 2010 17:45

Däm Begriff bin ich grad ä parmal begägnet. D'Mitglieder vom Bundesrat händ schinz ä sehr churzi Tracklist, China lä sehr langi.
Es isch offebar das neui Mass aller Dinge und chunt em Bedürfnis entgäge alles z'mässe und Vergliche (für d'Boni ;-)).
Mit erä riesige Track Record-List isch mer dän eifach dä richtig für Politik und alles. Nur welli Rollä das mä würklich gspielt hät und
und was us dem Record isch wordä bliebt vermutlich undurchsichtig und verborgä.

Wie au immer, au ich due jetzt mini Track Records ufarbeite und uf medial verbreitä ;-)

Tags:

Allgemeins | Politik | Wirtschaft

Golfstrom ris nöd ab

by Joggi 1. Juni 2010 19:41

Dä Ölteppich isch scho beängstigend. Ich begriffe nöd, dass da ä paar BP-Ingeniörä chönd bäschtelä. Wieso wird da nöt es internationals Krisägremium zämägstellt,
wo die Aktion koordingiert und die beschtä Ideeä und Lüt zämäbringt. BP muessti das natrülich zal$.
Mir macht au no dä Golfstrom angst. Dä läbt doch vo dä Erwärmmig vom Wasser. Bimenä grosse Ölteppich chönnti sich s'Verhaltä vom Golfstrom änderä oder er chönnti gar schwächer wärde oder abrissä, was für Europa natürlich wahnsinnigi Folgä würdi ha.
Chum Barak Obama, es isch zit, dass du die Sach sälber id Hand nimsch!

Tags:

Natur | Politik | Wirtschaft

Euro

by Joggi 20. Mai 2010 16:57

Mol, das fini guet, dass dä Lärverchauf uf gwüssä Aktiä und CDS (Credit Default Swaps, was au immer das isch)  verbotä wird. Das nimmt sicher en Teil vo dä Spekulation usä.
Öb au d'Euro-Spekulation dadermit verhinderät wärdä weiss ich aberi nöd.

Tags:

Politik | Wirtschaft

Abstimmig über dä Umwandligssatz

by Joggi 13. März 2010 08:03

Ich han d'Abstimmig leider verpasst und bin zimlich überrascht gsi über dä Usgang. Eigentlich find ichs guet, das me nomal über Büecher muss. Anderersits isch es natürlich dä Jungä Lüt gegenüber total ünfähr, und jede oder jedi wo mit emä hohä Umwandligssatz pensioniert wird chan nachhär die Junge belaschtä. Da chönd dänn Gwärkschafte au nöd hälfä.

Eigentlich verspricht mer besser weniger oder ebä das, wo dä Statistik entspricht, und chas mit Überschüss dänn ufbesserä, als das mer zviel verspricht und bald muess mär dKassänä sanierä.

D'Idee, dass d'Versicherer uf em BVG kei Gwinn dörfed mache, find ich guet. Mä cha nöd am Versichertä optimal dienä und glichzitig d'Aktierenditä optimierä.

Es heikels Isä!

 

Tags: ,

Politik

Berlusconi als Schauspieler?

by Joggi 22. Dezember 2009 07:00

So wie n är zum Auto usgstigä isch mit liedenem Blick und usgfahrenem Chini, das isch scho ä tolli Leischtig gsi. Das hät würkli dä Wäg i alli Mediä gschafft.Besser hät mä das nöd inszenierä chönä.

Uf dänä Film isch es scho chogä komisch, das er sofort es Nastuech uf dä Wündä höt, is Auto stiegt und nachher mit bluetiger Wunde wieder usstiegt und die früschä Wundä nöd blüeted.

Ich cha mer guet vorstellä, das är en sehr guetä Schauspiler mit ämä schlächtä Maskäbildner isch, und das er sich jetzt uf zwei schöni Feriäwuchä igstellt hät. 

 

 

 

Tags:

Politik

Powered by BlogEngine.NET 2.9.1.0
Theme by Mads Kristensen | Modified by Mooglegiant